Note! Dette er en mere simpel HTML-version for besøgere uden Flash.
For at se den oprindelige webside, klik her.

 

Issittumit takutitassiat


Kalaallit Nunaat tamaat suliffigigamiuk inuk Media imikkorluinnaq periarfissaqarpoq nunarsuarmi qeqertat annersaanniit takutitassianik pitsaalluinnartunik suliaqarnissaminut.
 
Aaku suliarisartakkavut:
-Pisimasuiit
-TV-kkut naatsukullaliat
-Ussassaarutit
-Naqitikkat
-DVD-t CD-t
-Tamakkiisumik ataqatigiissaarineq
-Ataqatigiissumik takutitassiorneq
-Ussassaarinermi atortussiat
-Atuakkat

inuk Media pillugu
inuk Design pillugu
Tajarutit
Attaviit

 
         
 

 

 
 

 

inuk Media pillugu

Inuk Media takutitassiorluni suliffeqarfiuvoq kalaallit kulturianni tiguartinnartumi sorlalik. Peter Jensen, inuk Mediamik piginnittoq, Qaqortumi alliartorpoq takutitassianillu suliaqarnini tassani TV-qarfimmi 1978-imi aallartillugu. Ukiut qulit qaangiummata inuk Media aallartippoq ullumikkullu tassaalluni Kalaallit Nunaanni takuutitassiornermik suliffeqarfiit inissisimalluarnerpaat ilaat.

Piitaq kalaalerpasissuugami tunuarsimaartuuvoq oqarataartuunanilu. Taamaattoq piviusut assortorneqarsinnaanngillat. Piitaq TV-kkut filminillu takutitassiornermik pimoorullugu ukiuni 30-ni suliaqarsimavoq. Inuk Mediap toqqorsivia perpassuaqarpoq kalaallit inuiaqatigiiussusiannik kulturiannillu assigiinngitsorpassuarnik oqaluttuartunik. Sulifferfiuttaaq allattugaatigai sullitat sulliseqqikkumaneqartuartut aqqi.

Inuk Media Nuummi inissisimavoq Kalaallit Nunaallu tamaat suliffigalugu.

 
 

 

 
 

 

inuk Design pillugu

Inuk Designip illumeeqatigineratigut pilerisaarutitut suliniutit tamakkiisut neqeroorutigisinnaavavut soorlu quppersakkat, nivingasussiat , ilisarnaatit, kappoqquteeqqat allarpassuillu. Qanittukkut pilerisaarutitut suliniuteqarnermi, meeqqat kigutigissartarnissaannik siunertalimmi, Lis Stender aamma "kigutigissarnerup erinarsuutaa"-nik allappoq nunatsinni kigutileriffinnut nassiunneqartumik. Lis Stender tassaavoq inuk Designip uummataa qarasaalu assiliartalersuisartutut pimoorullugu ukiut 20-t sinnerlugit sulisimasoq. Inuk Design 2001-imi pilersinneqarpoq maannalu inuk Mediap ataaniilluni.

"Pisinnaasatigut pissarsiat imminnut paarlagaassorput," Lis Stender oqarpoq. "uanga inuk Media TV-mut filminullu assiliartalersuinikkut ikiorsinnaavara. Saniatigut assilisat, nipit allatallu ataatsikkut atornissaannik taakku ilisimasaat pissarsiffigisarpakka." sullitavullu amerliartuinnarput paasinnittut saqqummiukkumasamik siammarnissaanni periaatsit arlallit ataatsikkut atornerisa pitsaaqutaannik. "Saqqummiukkusutaqaruit siammartikkusutannik   taava sunniinerujussuussaatit siammarteriniarnermi periarfissat tamaasa atorukkit," Lis oqarpoq.

Taamaattumik meeraq kigutigissarnermut tunngasumik erinarsorusaartoq naapissagaluarukku nalussanngilat sumit pissarsiarisimagaa.

 
 

 

 
 

 

"Tajarutit"

Kalaallit arnat kinguaariippassuarni tajarutiliortarput sapangaaqqanik ilallugit kusassarneqartartunik. Atuakkap uuma, Lis Stenderimit allanneqartup, nuersaariaasitoqaq taanna Kalaallit Nunaata avataanut aammaappaa periarfissillutillu nammineq tajarutiliorsinnaaninnut. Atuakkamiipput allalersuinerit tallimat sukumiisumik ajoqersuutitallit. "Nuersaariaasitoq taanna avataani ilisimaneqanngitsoq ingerlateqqikkusuppara, atorneqartuaannaqqullugu."

Atuagaq Kalaallit Nunaanni atorluarneqalereerpoq maannalu oqaatsinik sisamanik oqaasertaqalerluni: danskisut, tuluttut, kalaallisut franskisullu. Akianik qanorlu piniarneqarsinnaaneranik paasisaqarusukkuit uunga mailiinnassaatit: inukdesign@greennet.gl. Atuakkat Kalaallit Nunaanniit nassiunneqartarput, taamaattumillu nassiunnerata akia naatsorsorsinnaajumallugu nunami sumi najugaqarnerit paaserusussavarput.

 

Attaviit

 
 

inuk Media ApS
Innannguaq 40
Postboks 1053
3900 Nuuk
Grønland
Tel: (+299) 32 43 11
Fax: (+299) 32 43 14
inukmedia@greennet.gl

inuk Design
Innannguaq 40
Postboks 1053
3900 Nuuk
Grønland
Tel: (+299) 31 19 11
inukdesign@greennet.gl

 
 

 
 

Copyright for alt materiale på www.inuk.gl tilhører inuk Media.